ساجد بجیر

تھرپارکر، پاک وائسز

آٹھ مارچ خواتین کے عالمی دن کے موقعے پر پاک وائسز ،بائیٹس فار آل اور محکمہ سوشل ویلفیئر تھرپارکر کے مشترکہ تعاون

پاک وائسز کے زیر اہتمام تھر پارکر میں خواتین کی مناسبت سے تقریب میں ایک بچی تقریر میں حصہ لے رہی ہے۔

سے ایک تقریب ووکیشنل سینٹر مٹھی میں منقعد کی گئی،تقریب میں مختلف علاقوں سے خواتین،سینٹر میں زیر تعلیم بچیوں،تعلیمی ماھریں،اساتذہ،سماجی تنظیموں کے نمائندوں نے بڑی تعداد میں شرکت کی۔

اس موقعے پر بچیوں نے مختلف مقامی اور قومی گیتوں پر ٹیبلو ز پیش کیے اور بچوں نے خواتین کے عالمی دن اور ان کے حقوق کے حوالے سے تقاریر بھی پیش کی۔

پاک وائسز نے خواتین کے نام پیغام دیا جس میں کہا گیا کہ پاک وائسز ایک ایسا پلیٹ فارم ہے جو ملک کے پسماندہ علاقوں کے مسائل اجاگر کرتا ہے جن میں خواتین کواولین ترجیحی دی جاتی ہے۔

بیان میں مزید کہا گیا کہ پاک وائسز جنوبی پنجاب،سندھ میں تھرپارکراوربلوچستان کی مکران ڈویژن میں خواتین مخالف رویے اوررسوم ورواج کے خلاف آگاہی پھیلانے میں اپنا کردارادا کررہا ہے۔

ان علاقوں کی خواتین کو پسماندہ سماجی اطورا اوردقیانوسی تصورات کےعلاوہ غربت، ناخواندگی اورامتیازی سلوک کا بھی

تقریب میں مقامی خواتین اور بچیوں کی بڑی تعداد نے شرکت کی۔

سامنا ہے۔ اس طرح کے مسائل کواجاگر کر کے پاک وائسز خواتین کو قومی دھارے میں لانے کے لئے اپنا کردارادا کررہا ہے۔

 تھرپارکر مییں تقریب  سے خطاب کرتے ہوئے نامور ماہر تعلیم اور پروگرام کی صدارت کرنے والی آپا کملا پونم نے کہا کہ خواتین کے عالمی دن پر اتنی بڑی تعداد اس بات کا ثبوت ہے کہ تھری خواتین علاقے کی ترقی میں اپنا موثر کردار ادا کرنا چاہتی ہیں۔

انہوں نے مزید کہا کہ مرد انہ معاشرے میں خواتین کو اپنے حق لینے پڑیں گے،ہمارا المیہ  ہے کہ ہر خاتوں اپنے آپ ظلم برداشت کر جاتی ہیں مگر آواز نھیں اٹھاتی اور اس طرح ظالم کو موقعہ ملتا ہے کہ یہ سلسلہ جاری رہے۔
پروگرام میں ڈپٹی دائریکٹر سوشل ویلفیئر تھرپارکر ناتھو خان راہموں نے پاک وائسز کا خصوصی شکریہ ادا کیا کہ ادارے کے تعاون سے بڑی تقریب منقعد کرنے کا موقع ملا ہے۔
انھوں نے کہا کہ حکومت خواتین کے حقوق کے لیے عملی اقدامات اٹھا رہی ہے۔خواتین کے لیے ہنر تربیت مراکز بھی قائم کیئے گئے ہیں،کسی بھی ظلم کی شکار خواتین کے لیئے مٹھی میں سیف ھاؤس میں بھی قائم کیا گیا ہے ۔
،اس موقعے پر الف اعلان تھرپارکر کے کوآرڈینیٹر نامور سماجی رہنما پرتاب شیوانی نے خواتین کی تعلیم پر زور دیتے ہوئے کہا کہ خواتین کو حقوق کے حصو ل  کے لیے خصوصا اپنی بچیوں کو تعلیم دینا ہوگی۔
اس موقعے پر پاک وائسز تھرپارکر کی کوآرڈینینٹر ورکھا سادھوانی نے ادارے کی تھر میں شروع ہونے والی پاک وائسز کی سرگرمیوں سے شرکاء کو آگاہ کیا۔انہوں نے بتایا کہ پاک وائسز تھر کے عام لوگوں کے مسائل  اجاگر کرنے کے لیے کوشاں ہے اور خواتین کے مسائل کو سب سے زیادہ اہمیت دیتا ہے۔
رائیٹر کے بارے میں: ساجد بجیر پاک وائسز کے لیے بطور سٹیزن جرنلسٹ تھرپارکر سے کام کر رہے ہیں۔

LEAVE A REPLY